اليسمع دفو صوتك يوكع ابشده
وماصدك وراهه ايضل صبر عده
اكو كبلي نبي كالو يكلم الطير
واني اول بشر ايكلم الورده
ــــــــــــــــــــــــــــــــــــــ
ماجذب وأكلك باجر انساك
عفتني وذكريات اهواي خليت
اذا كل حايط البي اسمك ايطيح
على هل حاله لازم نهدم البيت
ــــــــــــــــــــــــــــــــــــــــ
اني الباني السفينه ومثل نوح
صعدتك وبالطوفان ظليت
وجبت عشب الخلود انطتكيا
وكلت احمل الفشله وخالي رديت
ـــــــــــــــــــــــــــــــــــــــ
الهوه هذه اليمرني اتخيلك بيه
حته التقي وياك امين ماجيت
يعني ابمعنه اخر استحي احجيه
تره بس انته غيرك ماشتميت
ــــــــــــــــــــــــــــــــــــــ