أنت عينك على شفتي واني عيني على الشفايف
وانه كل عضامي ترجف انته خايف وانه خايف
أشلون هسه منهو يحجي منهو يبدي بالسوالف
مو همت وكَلبي تالف
ادري بيعيونك تحبني وكَلبي لعيونك موالف
بس تعال اليحجي كلمه بلا خجل وبلا مخاوف
وما خجلت بيوم مره وبالحجي شياف وعايف
ويا ياما ألساني غازل وسكتت ياما مضايف
وهسه ارد احجي كلمه مرتجف جسمي تراجف
وانت شو هم مثلي تراجف وبالعرك شو مثلي طايف
اشصار بينه اشمر علينه أشكثر مرينه بواقف
وما خجلنه وما رجفنه وما نبوكَـ العين طارف
جنها مو جلمة احبك جنها جبل بألساني واكَف
ارد اكَلك شنهي هيه كلمه لو جرم ومخالف
شو أحبك حيل احبك كافي غركَانين وندور مناشف
1/1/2012, 12:19
