يا خبر ابيض

يا خبر أبيض ...


كلنا اليومين دول عايشين دوامة الامتحانات .. والقلق .. والسهر .. والمذاكره .. و............

عايشين فى توهان .. وحالة الطورئ شغاله .. ياريت كل واحد مننا يفكر لحظات كده .. ياترى حالى مع امتحان الاخره زى حالى مع امتحان الدنيا .. ولا أكتر ولا أقل ...

أنا عن نفسى بصراحه .. لقيت ان حالى واستعدادى وقلقى .. وخوفى .. وندمى على آخرتى .. محصلش 1 % مقارنة بامتحان الدنيا ..

يااااااااه .. الآخره بقت بعيده عن قلبى للدرجادى .. ياترى بذاكر من ربك وما دينك ومن نبيك .. زى ما بذاكر مواد المدرسه ولا الكليه ولا الدراسات العليا ؟!

ياترى بفكر فى سكرات الموت زى ما بفكر فى أول امتحان ..

ياترى تفكيرى فى الثبات عند الموت أو والعياذ بالله الأخرى .. زى تفكيرى فى امتحانات الفينال ..

تعالوا كده هعرض عليكم كلام سيدنا النبى صلى الله عليه وسلم وبعدين ندردش شويه .. قال الحبيب -صل عليه- لعمر -رضى الله عنه-

- قال رسول الله صلى الله عليه وسلم لعمر بن الخطاب رضي الله عنه : يا عمر كيف بك إذا مت ، فقاسوا لك ثلاثة أذرع وشبرا في ذراع وشبر ، ثم رجعوا إليك وغسلوك وكفنوك وحنطوك ، ثم احتملوك حتى يضعوك فيه ، ثم يهيلوا عليك التراب ، فإذا انصرفوا عنك أتاك فتانا القبر : منكر ونكير أصواتهما كالرعد القاصف ، وأبصارهما كالبرق الخاطف ، فتلتلاك وثرثراك وهولاك ، فكيف بك عند ذلك يا عمر ؟ قال : يا رسول الله ، ومعي عقلي ؟ قال : نعم قال : إذن أكفيكهما الراوي: عطاء بن يسار المحدث: السيوطي - المصدر: شرح الصدور - الصفحة أو الرقم: 182
شوفت منظر الملكين عامل ازاى .. انت لو شوفت دول تفتكر حاجه ولا تعرف تنطق .. والمشكله انهم قبل ما يدخلوا عليك .. فى رعب تاااااانى انت عشته .. الرعب وانت سامع صوت نعال الناس وهى سيباك وماشيه .. وبعد كده رعب الظلام اللى انت فيه فى القبر .. والريحه النتنه ..

استنى .. ده كله حاجه .. وتكليم القبر ليك حاجه تانيه خاااااالص .. انت متخيل حيطان بتكلمك .. يا اما تقولك وحشتنى .. أو تقولك قرفتنى .. وطبعا حسب عملك هتقوللك ..

اتخيل لو وحشت القبر ضمته هتبقى ضمة الأم الحنون اللى ابنها واحشها من سنين نفسها تشوفه ..

ولو انت القبر مخنوق منك.. وبقيت انت ملكه خلاص .. اتخيل ضمته ليك هتبقى ازاى يا حبيبى ... أضلاعك هتدخل فى بعضهاا . .. ستختلف أضلاعك ..

بعد ده كله لسه فيك نفس لحاجه ... يارب أعنا وثبتنا ..



بعد ده كله يدخل عليك الملكين بالوصف اللى حضرتك قريته من شويه .. أسودان .. أزرقان .. يجران شعورهما .. ويخدشان القبر يأنيابهما .. صوت كالرعد .. نظر كالبرق .. والله انا مش مستحمل الوصف وأنا بنقله لك دلوقتى .. منظر يرعب ..

الواحد لو شفهم فى الدنيا قلبه يقف .. يطب ساكت .. يارب ثبتنا على قول لا اله الا الله .. محمد رسول الله..

بعد ده كله يا اما البشرى بالجنه .. يا اما البشرى بالنار ..

يا اما القبر يوسع عليك .. يا اما يولع عليك .. أستحلفك بالله يلا نتوب دلوقتى .. احنا مش أد عذاب ربنا ولا ابتلاءه ..

استحلفك بالله كفايه كده .. امتحان الآخره قرب خلاص .. يقول الله تعالى ( انهم يرونه بعيدا ونراه قريبا ) سورة المعارج

عاوز ايه بعد كلام ربك حبيبك ..

(والله يريد أن يتوب عليكم ويريد الذين يتبعون الشهوات أن تميلوا ميلا عظيما .. يريد الله أن يخفف عنكم وخلق الانسان ضعيفا ) سورة النساء

عاوز ايه بعد الكلام ده .. محتاج ايه .. لسه هتشتككى من ذنوب ومعاصى متعلق بيها .. يارب حل مشاكلنا وساعدنا ..

الجأ الى الله ربك والله يريد أن يتوب عليكم .. أكيد هيساعدك ومش هيخذلك .. ابكى بين ايديه .. متستناش تانى بالله عليك .. ربنا يحبنى ويحبك .. ويرضى عنى وعنك ..

متزعلش من كلامى .. أنا بنصح نفسى قبل ما أنصحك .. ربنا يتوب علينا ويرشدنا لما يحبه ويرضاه انه ولي ذلك ومولاه ..


قبل ما تمشى خد الهدية دى من سيدك النبى صلى الله عليه وسلم . صل عليه ..


مرجع لكل مسلم يراجع منه الأسئلة التى ستأتيه فى الإمتحان
سورة تبارك هي المانعة من عذاب القبر.
الراوي: عبدالله بن مسعود المحدث: الألباني - المصدر: صحيح الجامع - الصفحة أو الرقم: 3643
خلاصة الدرجة: صحيح

متكسلش اقرأها كل يوم قبل ما تنام .. تذكر ربك قبل أن تنام لعلك تموت قتلقاه بصحيفة آخرها ذكر له عزوجل .. أترى سيعذبك بعدها ..

خد الهدية دى كمان مجموعة أحاديث عن القبر وما فيه .. اللهم اأحبكم فى الله والسلام عليكم ورحمة الله وبركاته ..سترنا ولا تفضحنا
م ن ق ول ....